Tranga samihafa

Lozam-pifamoivoizana Mpandeha môtô maty nifandona tamin’ ny kamiao

Nindaosin’ny fahafatesana, fotoana vitsy nahatongavany teny amin’ny hôpitaly, ny lehilahy iray nitondra môtô niharan’ny lozam-pifa­moi­voi­zana, teny Ambohi­trombihavana Ambohimangakely, afak’omaly antoandro.

Nifandona tamin’ny kamiao ny kodiaran-droa nentiny. Naratra ny namany nanao taingin-droa niaraka taminy.
Nandeha tamin’ny fio­lahana ny kamiao nitondra simenitra 32 taonina avy any atsinanana. Avy any Ambo­himangakely kosa ny môtô nitondra lehilahy roa, samy manodidina ny 24 taona, ka nifatratra teo amin’ny valahan’ilay fiarabe.

Potika tanteraka ny môtô. Nitrosona teo amin’ny tany izy roa lahy. Fiaran’olon-tsotra sendra nandalo no nitondrana azy ireo haingana tany amin’ny hopitaly. Notazonin’ ny zandary halaina am-bavany kosa ny mpamily ni­tondra ny kamiao.