Kolontsaina

Fampiroboroana ny teny frantsay Nahazo «Alliance française» eny Ambohitrimanjaka

Hoentina hamaliana ny hetahetan’ireo mponina ao Ambohitrimanjaka, noto­kanana omaly alakamisy ny efitrano vaovaon’ny Alliance française, napetraka ao an-toerana. Atrikasa maro isan-karazany no azo atao ao, anisan’izany ny famakiam-boky, sy ireo seho ara-java­kanto maro samihafa, ary ireo hetsika rehetra momban’ny literatiora.

« Ny fampiroboroboana ny teny frantsay sy ny hitohi­zan’ny fifanakalozana ara-kolotoraly eo amin’ireo vahiny sy ny Malagasy no tanjona amin’izany » hoy i Jean-Paul Clément, tompon’andraikitra voalohany ao anivon’ny Alliance française, eto Antananarivo.

Ankoatra izay, efa vonona handray avy hatrany ireo mpianatra, na olona hafa te hiditra ho mpikambana vaovao ry zareo ao an-toerana. Tsahi­vina fa efa nisokatra sy niasa ara-dalàna ity efitrano ity tany amin’ny taona 2016 tany, saingy nisy ny fandaminana natao ka voatery nakatona izany, ary izao indray vao naverina nosokafana.

Nicoh R.